بكبتبلكم سالفتي مع بعض النوعيات و الفئات الموجودة في المجتمع من البنات و للأسف كانن من ربيعاتي الكلوز اللي كنت دايما أطلع معاهن و أسولف و أغير جو و استانس جدا معاهم و كانوا ايون بيتنا بعد و نتلاقى في الحدايق.
أول ما يشتغلن خلاص لا تعرفيها و لا تعرفج اتخاف إنج انتي تحسدينها على وظيفتها أو تسألينها عن أي شي اتوسوس فا اتفضل الابتعاد و عدم الاحتكاك،صدق لي قالوا الفلوس اتغير النفوس.
و النوعية الثانية من البنات اللي أول ما اتزوجت خلاص صارت برستيج لا اتكلميها خلاص متزوجة و إذا سألتيها أي شي سؤال عادي عن أمور الحياة أو أي شي كله اتجاوب سطحي ما تتعمق وايد اتغيرت 180 درجة صارت مب هذيك الفلانة القبلية اللي أنا أعرفها و إذا ردت عليج اترد عقب أسبوع" هانت العشرة و سنين العمر اللي بينا" .
و نوعية ثالثة من البنات اللي ما تسأل عنج خير شر و لا حتى اتسلم عليج بس يوم تبا حاجة بتسويلج أول شي تمهيد فجأة بتسأل عنج و عقب بتقول شو تبا و يوم تعطيها مرادها و لا استفسارها و لا حاجتها و خلاص خدمتيها اتشوتج و لا تعرفج و يوم تحتاجج مرة ثانية اتييج بس يوم وقت المصالح و الحاجة تعرفج و أيام الرخاء تنساج لكن صدق لي قالوا "وقت المصالح اتجيك الكلاب مشتاقة"
و فيه نوعية منهن يوم انتي تبي حاجة منهن اتقولج و الله بعدين أنا الحين مب فايقة بس هي يوم تباه اتقولج بسرعة و ضروري و تزعجش و فونج خلاص بتحرقه من كثر الاتصال
لكن أنا أعرف كيف أتصرف مع هالفئة من الناس أسويلها طاف و بولباس أردلها الصاع صاعين
و في نوعية من البنات مرات تطلبين منها شي هو هالشي عندها تعرفه و موجود مثل رقم جهة توظيف و غيره من هالأمور بس ما تبا تعطيج تبا الخير بس كله حقها و حاسدة و حقودة لأبعد حد ما بتقولج معلومة إلا و هي متمصلحه منها و مستفيدة
صح الواحد فخاطرة ينجرح بس هالدنيا شو انسوي قلوب الناس اتغيرت و نفوسها بعد بعض البنات صاروا نفسيات
أتريا ردودكم و تفاعلكم في الموضوع و عن الأنواع اللي شفتوا منها على أرض الواقع و تجاربكم؟
This entry passed through the Full-Text RSS service - if this is your content and you're reading it on someone else's site, please read the FAQ at http://ift.tt/jcXqJW.
بخصوص البنات الموسوسات و البرستيج و المصلحجيات
ليست هناك تعليقات:
إرسال تعليق