السلام عليكم ! وياكم ام عبدالله ً. بغيت اخبركم سالفة استوت اليوم حقي عشان تتحذرون . اليوم و انا فالدوام في حرمه لابسه عباه و حاطه ميك اب عندها سيارة سودا رقم دبي يت بيتنا و دقت الباب بيدها م دقت الجرس و بالصدفه كانت خدامتي تنظف قدام باب الصالة و سمعت الدق باليد ! فتحت لها الخدامه و قالت لها عطيني الولد الصغير اللي عندكم و الخدامه انتبهت انها حراميه و انا محذرتنهم من قبل عن هالموضوع ! و قالتلها نحن م عندنا يهال صغار اللي عندنا كلهم كبار و فالجامعه ، و تمت تقول حق الخدامه عطيني الولد الصغير اللي عندكم مدام تترياني اودي لها عند الحديقه و تمت تصرخ فويه خدامتي ! و الخدامه تمت تقلها لا تزاعقين فويهي و تضاربت وياها و يوم شافت انها مب قادره عليها قالت لها صبري بييب لج الياهل و قفلت الباب من داخل و راحت تزقر الخدامه الثانيه عشان تشوفها و يوم ردو شافوها محد مروحه .. انتبهوا لعيالكم و قولو لخدامتكم م يفتحون الباب لاي احد و انتوا محد .. الغريب فالموضوع تعرف اني انا عندي ولد صغير مب بنت و كانت تدري انه البيت فيه كاميرات و كانت منخشه ورا الباب عشان الكاميرا م تصورها يعني معناتها في حد فالفريج يتواصل وياهم من العمال و الهنود اللي يشتغلون و يعطونهم معلومات عن البيوت
انا اشكر ربي واحمده اني استاذنت من المدرسه ومريت على حمدان البيت عشان اوديه المستشفى لانه مريض ووصلت قبل الحرمة ما
تي بتنا بنص ساعة تقريبا
يعني الحمدلله عدت على خير...
الله يحفظ عيالنا ئارب.عاد مادري أذا صدق ؤلا لا ومرت آخوي بعد تعرف ناس من بوظبي وخبروها انه السالفه صدق ؤالله أعلم بس الحذر واجب
This entry passed through the Full-Text RSS service - if this is your content and you're reading it on someone else's site, please read the FAQ at http://ift.tt/jcXqJW.
حرمة تخطف الاطفال
ليست هناك تعليقات:
إرسال تعليق