يوميات مأجز حلقه مهمه

يوميات مأجز 😁

الماجز داوم هذا الأسبوع وكل شي ماشي حاله💪🏼👍🏼 واليوم الخميس يعني ويكند يعني خميس ومالي خلق ازعل 😁..الماجز مسك التلفون وطرش حق لستة الواتس اب خميس ومالي خلق ازعل 😍..عيشوا اللحظه واستانسو بالاجازه 😍
طبعا وصلته الردود من اللسته بعضها فيسات 😍👏🏼 وبعضها. .يقولون شكرا على الحماس إلا شخص واحد الي هو سعود ربيعيه في الدوام حط له هذا الفيس 😔😔😔

طبعا الماجز لأنه يحب الخير ويحب يساعد سأله ليش هذا الفيس ؟؟؟

قاله سعود

شو اقولك ياريال ..احسدك على ايجابيتك ..وعلى حماسك ..
الماجز قاله شرايك نلتقي اليوم ؟؟؟

قاله سعود وين ؟؟.قاله كوفي دي روما اريد اشرب كوفي غايه 😁 قاله سعود اتفقنا👏🏼👍🏼

وراحو🚗🚗 ووصلوا الكوفي 👏🏼وطلبوا كوفي غايه ..مع سويت 🍮🍮 وقعدو شوي يسولفون عن الدوام وعن المواقف وخلص الكوفي وطلبوا بعده تركش☕☕ كوفي علشان يحلى النقاش ..

طبعا الماجز طريقة كلامه تبين أنه إنسان عنده سلام داخلي مع نفسه ..قاله سعود ..

ياخي انته من وين يايب هالراحه والإيجابية ؟..كلنا نقرأ بس مافينا كثر الي فيك من حماس وإيجابية ..😔😔

قاله الماجز ذكرتتتتني صح ..انت شوفيك اليوم كتبت هالرد فالواتس اب شكله عندك شي مضايقنك ؟؟؟ ..قاله سعود ماشي بس حاسس بضيقه مع ان عندي كل شي .بس مستوحش 😔😔 ..

الماجز عطاه دايركت قاله بسالك سؤال وتجاوب بصراحة ..قاله سعود اسال ..

الماجز سؤاله هو 👇🏼👇🏼

كيف علاقتك مع الله سبحانه وتعالى ؟؟؟؟؟

سعود ويهه😳😳😳😔😔😔 بصراحة مش منضبط في صلاتي نفس قبل وحاس اني مقصر مع ربي ..😔😔

قاله الماجز ..يا سعود كل شي في حياتنا بيد الله سبحانه وتعالى هو الي يعطي ويرزق ..يعطي السعاده والإيجابية وكل شي ..كيف تقصر معه ؟؟؟ الصلاه هي صلتنا بالله اي سعاده بتعيشها وانت مبتعد عن هذي الصله .؟؟
انا
اقدر اقول لك اقرأ كتاب أو احضر دوره بس ترى حط في بالك ما بيفيدك شي اذا من الأساس انت بعيد عن خالق السعادة ..

سعيد قاله خلاص من اليوم ببدا ..شكرا يا أجمل صديق ..

فالختام اقول ..كن مع الله وشوف السعاده الي بتصير لك ..💖

This entry passed through the Full-Text RSS service - if this is your content and you're reading it on someone else's site, please read the FAQ at http://ift.tt/jcXqJW.

يوميات مأجز حلقه مهمه